ރިޔާސީ އިންތިހާބު މިހާރު މިވަނީ ވަރަށް ކައިރިވެފައެވެ. ރޭހަށް ކުރިމަތިލާފައިވާ އެކިއެކި ކެނޑިޑޭޓުން ތާއީދު ހޯދުމުގެ ދަތުރުތަކުގައި އަވަދިނެތި ހަރަކާތްތެރިވަމުން އެބަ ދެއެވެ. އޭގެ އިތިރުން މިހާރު އެފެދިފައިވާ ބައެއް ދޭދޭ ޕާޓީތައްވެސް ފެންނަމުންދަނީ ބައިބަޔަށް އިއްތިހާދު ވަމުންދާ ތަނެވެ. ޖުމުހޫރީ ޕާޓީއާއި އަދާލަތު އަދި އެސްއެލްޕީ ގުޅިއްޖެއެވެ. އެމްޑީޕީ އާއި ގައުމީ އިއްތިހާދު އިއްތިހާދު ވެއްޖެއެވެ. އެންމެފަހުން ޑީއާރުޕީ އާއި ޕީއޭ ވެސް އެކުވީއެވެ.
މީގެ އިތުރުން މިހާރު ދޭދޭ ރައްޓެހިން ދިމާވެ ބައްދަލުމުނުވެސް ދެކެވޭ ފުރަތަމަ ވާހަކައަކަށް ކޮންމެވެސް ކެނޑިޑޭޓެއް ވެއްޖެއެވެ. ގޭގޭ ފެންޑާއިން ފެށީގެން ސައިހޯޓާތަކާއި ހޮޅިއަށިތަކުގައިވެސް ފޯރީގައި ދެކެވޭ ވާހަކައަކީ މިއެވެ. މި ރޯދަ މަހުގެ ރޯދަ ކުރުކުރުމަށް ކުރެވޭ ކަމަކީވެސް ކެނޑިޑޭތެއްގެ މޮޅު ނޫނީ ދެރަ ވާހަކަ ދެއްކުމަސް ވެއްޖެއެވެ. އެހެންވީމާ މިހާރު ގާތްގަނޑަކަށް މުޅި ރާއްޖެ ގޮވަމުން ދަނީ އެއް ވާހަކައެކެވެ. ކުރިޔަށް އޮތް ރިޔާސީ އިންތިހާބުގެ ވާހަކަ އެވެ.
މިހެން މިކަން ވާންވީ އެއް ސަބަބަކީ ވޭތުވެ ދިޔަ ހައި ދުވަހަކު ބޭއްވުނު އިންތިހާބުތަކާ މިފަހަރުގެ އިނތިހާބު ވަރަށް ބޮޑަށް ތަފާތު ވުމެވެ، މިފަހަރު ނޫނީ ގިނަ ކެނޑިޑޭޓުންނަށް ކުރިމަތިލެވޭ އިންތިހާބެއް ރާއްޖޭގައި ބޭއްވިފައި ނެތުމެވެ. އަދި 30 އަހަރުވީ ވެރިކަމުގެ މަތިން ރައްޔިތުން ފޫހިވެ ކޮންމެ އެހެން ވެރިކަމެއް ދުށުމުގެ އިނތިޒާރު ކުރުމެވެ. މިއަށްވުރެވެސް ފާޅު ހަގީގަތަކީ 30 އަހަރުގެ އާއިލީ ވެރިކަމުގައި ރައްޔިތުން ނިކަމެތިވެ، ހައްގުތައް ނުލިބި، ވެރިކަމުގެ ފަރާތުން ރައްޔިތުންނަށް ލިބެންވީ ފަސޭހައިގެ ބަދަލުގައި ބިރުދެއްކުމާއި އަދަބު ލިބެމުން ގޮސްފައި ވުމެވެ.
އެހެންވީމާ މިފަހަރުގެ އިންތިހާބުގައި ވަރަށް ގިނަ ބައެއްގެ ހިޔާލު ހުރީ ވެރިކަން ބަދަލު ކުރުމަށެވެ. އާ ވެރިޔަކު ހޮވުމަށެވެ. މިކަން އެނގޭ އެއް ކަމަކީ މިހާތަނަށް ނެގި ހިޔާލު ހޯދުމުގެ ވޯޓުތަކެވެ. ކޮންމެ ވޯޓަކުންވެސް މިހާރުގެ ރައީސަށްވުރެ އިދިކޮޅު ފަރާތްތައް، ހާއްސަކޮށް އެމްޑީޕީގެ ކެނޑިޑޭޓް އުޅެނީ ކުރީގައެވެ. ދިއެފްއެމްގެ ދެ ހަފްތާގެ ވޯޓާއި ރޭޑިއޯ އެޓޯލްގެ ވޯޓުވެސް ދައްކަނީ މި ނަތީޖާއެވެ.
ބަދަލަކަށް ވޯޓުދޭ މީހުން އެންމެ ބޮޑަށް ވިސްނަން ޖެހޭނީ ވެރިކަން ރަނގަޅަށް ކުރެވޭނެ، ރައްޔިތުން އެދޭ ފަދަ ރަނގަޅު ބަދަލެއް ގެނެސްދޭނެ އެކަމަށް ގާބިލް މީހަކު ހޮވުމަށެވެ. ކުރިމަތިލާފައިވާ މީހުންގެ ތެރެއިން އެންމެ ރަނގަޅު މީހަކު، ކުރިން މިދންނެވި އުސޫލުތަކުން، ބަލާނީ އެމީހުން އެކަށައަޅާފައިވާ މެނިފެސްޓޯ އަށް ބަލާފައެވެ. އަދި ކަނޑައަޅާފައިވާ ކަންތައް ހާސިލްކުރެވޭނެ މިންވަރު އަމިއްލަ ސިކުނޑިން ވަޒަންކުރުމަށް ފަހުއެވެ.
ބައެއް މީހުންގެ ބުނާގޮތުގައި ކޮންމެ މީހަކު ވެރިކަމަށް އަޔަސް ވާނީ ހަމަ އެއްގޮތެވެ. ކޮށްދޭން ބުނާ ކަންތައް ނޫނީ ވައުދުތައް އޮންނާނީ އޮތްތާކުއެވެ. މިވީހާތަނުގައި ވެފައި އޮތީ އެހެންނެވެ. ނަމަވެސް އަޅުގަނޑުގެ ނަޒަރުގައި މިބަދަލަށް އަޅުގަނޑުމެން ފެށީ އުންމީދު ތަކަކާ އެކުއެއެވެ. މި ގެންނަން އުޅޭ ބަދަލު ގެނެސްގެން އެ އުއްމީދުތައް ހާސިލްކުރެވޭނެ ކަމަށް ގަބޫލުކުރެވޭތީ އެވެ. ބައެއް މީހުން އެބުނާހެން ކޮންމެ މީހަކު ވެރިކަމަށް އަޔަސް ވާނީ ހަމަ އެއްގޮތް ނަމަކަ މިހުރިހާ މަސައްކަތް ކުރުމުގެ މާނައެއް ނެތެވެ. މިކުރެވުނީ ހުސް މަސައްކަތެވެ. އެކަމަކު އަހަރެން ގަބޫލުކުރަނީ ގާބިލް އެކަށޭނަ ވެރިޔަކަށް މިގައުމު ނަގާ ކޮޅަށް ޖެހޭނެ ކަމަށެވެ. އަހަރެން އުންމީދު ކުރަނީ އެގޮތަށެވެ.
ދެން އޮތީ މިހެން ނުވެއްޖެ ނަމަ ހަދާނެ ގޮތެވެ. މިގައުމުގެ ހިނގުން ރަނގަލު ނުކުރެވިއްޖިއްޔާ ހަމަ ގައިމުވެސް އެމީހަކު 30 އަހަރު ވެރިކަމުގައި ހުއްޓަކަ ނުދޭނެއެވެ. 5 އަހަރު ވާއިރު ރަނގަޅު އެހެން ވެރިޔަކަށް ވޯޓުދޭނެއެވެ.
0 Comments:
Post a Comment