ރިޔާސީ އިންތިހާބުގެ ފުރަތަމަ ބުރު ނިމިފައި މިވަނީ އެއްވެސް ކެންޑިޑޭޓަކަށް ސައްތައިން 50 ނުލިބިއެވެ. އިންތިހާބު ކާމިޔާބު ކުރުމަށްޓަކައި މި އަދަދު ކޮންމެހެންވެސް ހޯދަން ޖެހެއެވެ. ފުރަތަމަ ބުރު ނިމުނުއިރު އެންމެ ބޮޑު ކާމިޔާބެއް ހޯދައި ދެވަނަ ބުރަށް ގޮސްފައި މިވަނީ ޑީއާރުޕީގެ ކެންޑިޑޭޓް މައުމޫން އަބްދުލް ގައްޔޫމާއި އެމްޑީޕީ އިއްތިހާދުގެ ކެންޑިޑޭޓް މުހައްމަދު ނަޝީދެވެ. އެހެންވީމާ ދެވަނަ ބުރުގައި އިންތިހާބު ކާމިޔާބު ކުރާނެ ކެންޑިޑޭޓަކީ ކާކުތޯ ބަލައިލުމަށް ކުޑަ ހިސާބެއް ހަދާލަމާ ހިނގާށެވެ.
ފުރަތަމަ ބުރުގައި މައުމޫނަށް ވޯޓު ދިން އެއްވެސް މީހަކު ދެވަނަ ބުރުގައިވެސް އެހެން ކެންޑިޑޭޓަކަށް ވޯޓު ދޭނެކަމަކަށް ބެލޭނެ ޖާގައެއް ނެތެވެ. ހަމަ އެހެންމެ ކެންޑިޑޭޓް ނަޝީދަށް ދިން ވޯޓެއް ވެސް އެހެން ފަރާތަކަށް ދިއުމުގެ ޖާގައެއް ނެތެވެ. ފަރާތްފަރާތަށް ބެހޭނީ ދެން ހުރި އެހެން ކެންޑިޑޭޓުންނަށް ލިބުނު 60543 ވޯޓެވެ. މިވޯޓުތައް ދެވަނަ ބުރުގައި ވާދަކުރާ ދެ ކެންޑިޑޭޓުންނަށް ބެހިގެން ދާނެކަމަށް ބެލެވެއެވެ.
ދެން އޮތް އަނެއް ސުވާލަކީ މިވޯޓުތައް ބެހިގެން ދެފަރާތަށް ބެހިގެން ކިހާ ނިސްބަތަކުން ބާއެވެ. ރާއްޖޭގައި އޮތް 30 އަހަރުވީ ވެރިކަން ބަދަލުކުރުމަށް ގިނަ ބަޔަކު މަސައްކަތް ކުރަމުން މިދާ ދަނޑިވަޅުގައި މީގެ ތެރެއިން ބޮޑު އިންސައްތައެއް މިހާރުވެސް ރައީސްކަމުގައި ހުރި މައުމޫނަށް ލިބިދާނެބާއެވެ؟ ނުވަތަ ބަދަލުކުރުމުގެ ހިޔާލުގައި ތިބި ދިވެހިންގެ ގިނަ ބަޔަކު އެނބުރޭނީ އިނދިކޮޅު ކެންޑިޑޭޓު ނަޝީދަށް ހެއްޔެވެ؟ މިހާތަނަށް އައި އިރު އިދިކޮޅު ފަރާތްތައް މިވަނީ އެކުވެ އިއްތިހާދު ވެފައެވެ. އެއް މަގްސަދެއް ގައެވެ. ވެރިކަން ބަދަލުކޮށްލުމުގެ ނިޔަތުގައެވެ. އިއްތިހާދު ވުމަށް ފަހު ކޮންމެ ކެންޑިޑޭޓަކުވެސް އޭނާއަށް ތާއިދުކުރި ރައްޔިތުންގެ ފަރާތުން އެދިފައިވަނީ އިދިކޮޅު ކެންޑިޑޭޓަށް ވޯޓު ދިނުމަށެވެ. ވީމާ ލަފާކުރެވޭ ގޮތުގައި ކުރީން މިބުނި 60543 ވޯޓުގެ ތެރެއިން ގިނަ ބަޔަކު ނަޝީދަށް ވޯޓުލުން ކައިރި އެވެ. ނަމަވެސް މީގެތެރެއިން ކޮންމެވެސް އިންސައްތައެއް އަނެއް ކޮޅަށް ދާނެކަމަށް ލަފާކުރެވެއެވެ.
ދެން ވިޔަ ކޮށްލަމާ ހިނގާށެވެ.
ފުރަތަމަ ބުރުގައި މައުމޫނަށް ލިބިފައި ވަނީ 71731 ވޯޓެވެ.
މުހައްމަދު ނަޝީދަށް ލިބިފައި ވަނީ 44293 ވޯޓެވެ.
އެހެން ކެންޑިޑޭޓުންގެ ޖުމުލަ އަކީ 60543 ވޯޓެވެ.
އެހެން ކެންޑިޑޭޓުންގެ ޖުމުލައިގެ 10 އިންސައްތަ މައުމޫނު ހޯދައިފި ނަމަ ނަތީޖާ އަކީ:
މައުމޫން 77785 ވޯޓު، %44.05
ނަޝީދު 98782 ވޯޓު، %55.95
އެހެން ކެންޑިޑޭޓުންގެ ޖުމުލައިގެ 20 އިންސައްތަ މައުމޫނު ހޯދައިފި ނަމަ ނަތީޖާ އަކީ:
މައުމޫން 83840 ވޯޓު، %47.48
ނަޝީދު 92726 ވޯޓު، %52.51
އެހެން ކެންޑިޑޭޓުންގެ ޖުމުލައިގެ 25 އިންސައްތަ މައުމޫނު ހޯދައިފި ނަމަ ނަތީޖާ އަކީ:
މައުމޫން 86867 ވޯޓު، %49.19
ނަޝީދު 89699 ވޯޓު، %50.80
މި ނަތީޖާއިންވެސް ކުޑަ ތަފާތަކުން ކުރީގައި އުޅެނީ ނަޝީދުއެވެ. ދެން ފަހަރަކު އިންސައްތައެއް އިތުރުކުރަމުން ދާށެވެ. ނަތީޖާ އަނެއް ކޮޅަށް އެނބުރެނީ 28 އިންސައްތައިންނެވެ. ވީމާ މައުމޫނު ކާމިޔާބު ކުރުމަށް އަނެއް 4 ކެންޑިޑޭޓުންނަށް ވޯޓްދިން ކޮންމެ 100 މީހަކުން 28 ހޯދަން ޖެހޭނެއެވެ. އެއީ 10898 ވޯޓެވެ. ހަމަ އެހެންމެ، އިދިކޮޅު ފަރާތްތަކުން މި އިންތިހާބު ކާމިޔާބުކުރުމަށްޓަކައި މި އަދަދު ދޫވެގެން ދިޔަނުދީ ހިފަހައްޓަން ޖެހޭނެއެވެ.
3 Comments:
you're saying maumoon requires 28% of votes from the candidates who lost from first round. but you failed to mention anni needs 78% of those votes to win. now do the calculation and see which figure is easier to achieve. 78% or 28%?
just for your information. i didnt vote for maumoon last time but i will do so this time.
ތިއުމަކީ ވަރަށްފުރިހަމަ ލިއުމެއް ކަމުގަ ދެކެން....ރަގަޅު ދިރާސާއެއް
އަންނި ހޯދަންޖެހޭ ވަރުވެސް ލިޔެލީމަ ހަމަޖެހޭނީ
Post a Comment