ށ. މަރޮށީ އެމް ޑީ ޕީ އޮފީހުގައި ނަގާފައި ހުރި އެމް ޑީ ޕީގެ ދިދަ ރޭގެ ވަގުތެއްގައި ވަގަށް ނަގައިފި އެވެ. މިކަމާ ގުޅިގެން އެރަށުން ޒުވާނަކު މައުލޫމާތު ދެމުން ހާމަކުރި ގޮތުގައި މިއީ ޑީ އާރު ޕީއަށް ނިސްބަތް ވާ ބަޔަކު ކޮށްފައިވާ ވަރަށް ފިނޑި އަމަލެކެވެ.
އޭނާ އިތުރަށް ހާމަކުރި ގޮތުގައި އެރަށުގައި ތިބި އެމް ޑީ ޕީގެ ސަޕޯޓަރުން މިހާރު އިތުރު ދިދައެއް ހޯދުމުގެ މަސައްކަތް ކުރަމުން އެބަ ދެއެވެ. ދަތުރުފަތުރު ހުންނަ ގޮތުން މިއަދުން މިއަދަށް ދިދަ ނުނެގުނަސް ލަފާކުރެވޭ ގޮތުގައި ކުރިޔަށް އޮތް ދެތިން ދުވަހުގެ ތެރޭގައި އަލުން ދިދަ ނެގޭނެ އެވެ.
މަރޮށީގައި އެމް ޑީ ޕީގެ އޮފީހެއް ހުޅުވުނީ މިދިޔަ ހޮނިހިރު ދުވަހު، މިހާރު އަތޮޅުގައި ބަރުލަމާނީ ކެމްޕެއިން ކުރަމުންދަ ޓީމް ޒިޔާރަތް ކުރުމުންނެވެ. ބަރުލަމާނީ ކެމްޕެއިން ޓީމުން މައުލޫމާތު ދިން ގޮތުގައި މަރޮށިން ބަރުލަމަނީއަށް ވަރަށް ބޮޑު ތާއީދެއް ލިބޭނެއެވެ. އަދި މިރަށުގައި އެމް ޑީ ޕީގެ ސަޕޯޓަރުން ގިނަ އަދަދަކަށް އުޅެއެވެ.
0 Comments:
Post a Comment